وزن الفراخ الهجين عمر شهر | هل الوزن طبيعي ولا فيه مشكلة؟

هنكلم فى هذا المقال هن موضوع وزن الفراخ الهجين عمر شهر لأنه من أهم المؤشرات اللي بيعتمد عليها المربي وذلك  لتقيّم نجاح الدورة من عدمها. وزن الفرخة في العمر ده بيعكس بشكل مباشر جودة العلف، نظام التغذية، مستوى الرعاية الصحية، وكفاءة الإدارة داخل العنبر.

الفراخ الهجين بتتميز بسرعة نموها مقارنة بالبلدي، لكن وزنها في عمر 30 يوم ممكن يختلف من مزرعة للتانية حسب الظروف المحيطة. علشان كده، معرفة الوزن المثالي ومتابعة الزيادة اليومية بتساعد المربي ياخد قرارات صح في التغذية والتحصينات، ويقلل الخسائر ويحقق أفضل ربح ممكن.

وزن الفراخ الهجين عمر شهر

الفراخ البلدي الهجين هي ناتج تهجين بين الفراخ البلدي وسلالات أخرى محسّنة، والهدف من التهجين هو الحصول على سلالة تجمع بين جودة اللحم وسرعة النمو مع قدرة جيدة على إنتاج البيض. وعلشان كده النوع ده بقى من أكتر الأنواع انتشارًا عند المربين في البيوت والمزارع الصغيرة.

من أهم العوامل اللي بتحدد نجاح تربية الفراخ البلدي الهجين هو متابعة الوزن في كل مرحلة عمرية، لأن الوزن بيعكس:

• جودة العلف.

• كفاءة التغذية.

• الحالة الصحية.

• نجاح الإدارة داخل العنبر.

 متوسط وزن الفراخ البلدي الهجين حسب العمر

يبلغ وزن الدجاج البلدي الهجين عند النضج الجنسي (16–18 أسبوعًا) ما بين 900 و1200 جم، ويستمر الوزن في الزيادة تدريجيًا مع تقدم العمر ليصل إلى 1300–1650 جم، مع ملاحظة أن وزن الذكور عادة أعلى من وزن الإناث.

يمكن البدء في الحصول على البيض من القطيع في عمر مبكر نسبيًا (16–18 أسبوعًا)، لكن يفضل تأخير إنتاج البيض حتى عمر 20 أسبوعًا لضمان اكتمال النضج الجنسي لجميع الأفراد وتجنب ظاهرة إنتاج البيض صغير الحجم. كل دجاجة من نوع البلدي الهجين تستطيع إنتاج نحو 170 بيضة سنويًا شرط توفر ظروف رعاية مثالية. اليك مقال مفصل حول متى تبيض الفراخ البلدي الهجين وما هو شكل الفراخ الهجين.

تتضمن البيئة الصحية لتربية الدجاج عناصر أساسية مثل:

• بيوت تربية مكيفة ومغلقة.

• نظافة الأرضية بشكل مستمر.

• التهوية والتدفئة المناسبة.

• التلقيح ضد الأمراض في العمر المناسب.

توفر هذه الظروف المثالية زيادة ملحوظة في إنتاج البيض، إذ تقل معدلات الإنتاج عند التربية التقليدية في البيوت المفتوحة إلى أقل من 100 بيضة سنويًا.

 ليه متابعة الوزن مهمة؟

متابعة وزن الفراخ البلدي الهجين بشكل أسبوعي بتساعد المربي يكتشف أي مشكلة بدري، زي:

• ضعف النمو.

• خمول الفراخ.

• نقص تغذية أو سوء امتصاص.

• بداية إصابة مرضية.

وده بيوفر خسائر كبيرة وبيحسن الربح في نهاية الدورة.

أسباب نقص الوزن في الفراخ الهجين

نقص الوزن في الفراخ من أكتر المشاكل اللي بتقابل المربين، سواء في الفراخ البلدي الهجين أو البيضاء، وغالبًا بيكون مؤشر على وجود خطأ في التغذية أو الإدارة أو الحالة الصحية. علشان كده مهم نعرف الأسباب الحقيقية عشان نقدر نعالج المشكلة من بدري.

سوء التغذية أو ضعف العلف

سوء التغذية من أهم أسباب نقص الوزن، وبيحصل بسبب استخدام علف جودته ضعيفة أو من مصدر غير موثوق، أو وجود نقص في البروتين والطاقة داخل العليقة، وكمان العلف القديم أو المخزن بطريقة غلط ممكن يكون فيه رطوبة أو فطريات، غير تغيير نوع العلف فجأة بدون تدرج، وده كله بيأثر على النمو.

العلاج:
استخدام علف مضمون ومناسب لعمر الفراخ، مع التأكد من التخزين الجيد، وتغيير نوع العلف بالتدريج وليس مرة واحدة.

قلة استهلاك العلف

قلة أكل الفراخ بتؤدي مباشرة لنقص الوزن، وده بيكون بسبب قلة عدد المعالف أو توزيعها بشكل غلط، أو تزاحم الفراخ وعدم وصول الكل للأكل، وكمان ارتفاع درجة الحرارة بيقلل شهية الفراخ، بالإضافة إلى شرب مياه قليلة أو ملوثة.

العلاج:
زيادة عدد المعالف والمساقي وتوزيعها بشكل صحيح، مع تنظيفها يوميًا وتقليل التزاحم. اليك مقال ماذا يأكل الكتكوت غير العلف – معلومات هامه عن أكل الكتاكيت.

مشاكل المياه

المياه عنصر أساسي للنمو، وأي مشكلة فيها بتأثر على الوزن، زي استخدام مياه ملوثة أو مالحة، أو انسداد المساقي، أو ارتفاع درجة حرارة المياه، وكل ده يقلل شرب الفراخ وبالتالي يقل الأكل.

العلاج:
توفير مياه نظيفة ومتجددة باستمرار، وتنظيف المساقي يوميًا، والتأكد إن المياه حرارتها مناسبة.

الإصابة بالأمراض

الأمراض من الأسباب المباشرة لنقص الوزن، خصوصًا الكوكسيديا، التهابات الأمعاء، الأمراض التنفسية، والنزلات المعوية، وغالبًا بتظهر معها أعراض زي الخمول، تغميض العيون، الإسهال، ونفش الريش.

العلاج:
التدخل المبكر بالعلاج المناسب حسب الأعراض، مع الالتزام ببرنامج تحصين منتظم ودعم الفراخ بالفيتامينات.

الإصابة بالطفيليات الداخلية

الديدان والكوكسيديا بتسبب سوء امتصاص للعلف، يعني الفرخة تاكل لكن ما تستفدش، وده يؤدي لضعف واضح في الوزن.

العلاج:
اتباع برنامج وقاية وعلاج دوري للطفيليات، والحفاظ على نظافة الفرشة وتقليل الرطوبة.

سوء التهوية وارتفاع نسبة الأمونيا

سوء التهوية بيؤدي لتراكم غاز الأمونيا داخل العنبر، وده يقلل نسبة الأكسجين، ويسبب إجهاد للفراخ، ويقلل شهيتها للأكل وبالتالي يضعف النمو.

العلاج:
تحسين التهوية داخل العنبر، وتنظيف الفرشة باستمرار، وتقليل الرطوبة.

عدم ضبط درجات الحرارة

عدم ثبات درجة الحرارة بيأثر بشكل كبير على الوزن، لأن البرد الشديد يخلي الفرخة تصرف طاقتها في التدفئة بدل النمو، والحر الشديد يقلل الشهية.

العلاج:
تثبيت درجة الحرارة حسب عمر الفراخ، وتوفير تدفئة شتاءً وتهوية صيفًا.

الإجهاد والتكدس

التكدس وكثرة الإزعاج أو النقل والتطعيم بطريقة غلط بيسبب إجهاد للفراخ، وده ينعكس على الأكل والنمو.

العلاج:
تقليل كثافة الفراخ داخل العنبر، والتعامل بهدوء أثناء النقل أو التطعيم.